Իզա Էվոյան` Արջուտի միակ հեծանվորդ աղջիկը
Ինքնուս սովորել երաժշտական գործիքներ նվագել, գրազով ձողի վրա ձգվել, շյուղերով գործել, ինքնաշեն պարանների վրա «շպագատ» նստել, թատրոնում խաղալ. այս շարքը կարելի է անվերջ շարունակել։
Արջուտից 17-ամյա Իզա Էվոյանի հետաքրքրությունները չափ ու սահման չունեն։
«Մեր տանը բոլորը մեկ կամ մի քանի երաժշտական գործիք են նվագում ու երգում, բայց ես միշտ ուզել եմ դերասանուհի դառնալ, թատրոնում խաղալ»,-ասում է Իզան։
Նա մի քանի տարի անգամ թատերական խմբակ է հաճախել Վանաձորում, բայց ավարտական դասարանում դերասանուհի դառնալու երազանքը տեղը զիջեց լրագրությանը։
«Թատրոն ես դեռ կվարադառնամ, ուղղակի մի քիչ ուշ։ Հիմա ուզում եմ լեզուներ սովորել, շատ եմ ուզում թուրքերեն ուսումնասիրել»,-ասում է Իզան։
