Արտակարգ սահմանապահ Այգեհովիտը

Գարնան առաջին ամսվա հետ գյուղ մտավ արտակարգ դրությունը, իսկ քիչ հետո գրանցվեց կորոնավիրոսով առաջին դեպքը: Այգեհովիտում դիմակը դարձավ նույնքան կարևոր, որքան համավարակի բռնկման մնացած օջախներում:

Տավուշի մարզի Այգեհովիտ համայնքը սահմանապահներից է: Այստեղ կանայք աշխատում են գյուղում, իսկ տղամարդիկ` Ռուսաստանում:

Համավարակի պատճառով տղամարդկանց մի մասը չկարողացավ արտագնա աշխատանքի մեկնել: Նրանք «գերի մնացին» սեփական գյուղում:

Այգեհովիտցիները դժվարությունից չեն հուսահատվում, նույն եռանդով այգի են մշակում, խոտի ձմռան պաշար դիզում ու եղած-չեղած մրգերից պահածոներ պատրաստում:

Սահմանապահ Այգեհովիտում համավարակից առաջ էլ ամեն օրն արտակարգ էր:

Գյուղը հայ-ադրբեջանական սահմանին շատ մոտ է:

‍