Ինչու՞ պետք է երեխաները սովորեն անգլերեն:
Արմավիրում և ՔՈԱՖ ՍՄԱՐԹ-ում անցկացվել է COAF-ի և ԱՄՆ դեսպանատան անգլերեն հասանելիության միկրոսթաթոշակային 4-օրյա ճամբար Արագածավանից, Լեռնագոգից, Բենիամինից, Վահագնուց, Մարտից, Դեբետից, Դսեղից, Եղեգնուտից, Ձորագյուղից, Այգեհովիտից:
Հայաստանի 5 մարզերի պատանիները պարապմունքներ են ունեցել, խաղ խաղացել և լսել հետաքրքրաշարժ դասախոսություններ, շփվել և խառնվել միմյանց հետ:
“Ամենակարևորն այն է, որ Հայաստանի տարբեր ծայրերից ժամանած ներկայացուցիչներ հնարավորություն ունեցան նոր ընկերներ գտնելու և ընդամենը մի քանի ամսվա ընթացքում սովորեցին արտահայտվել անգլերենով”, - նշեց ՍՄԱՐԹ նախաձեռնության տնօրեն Շահանե Հալաջյանը:
ԱՄՆ դեսպանատան մշակույթի և կրթության ոլորտի մասնագետ Հասմիկ Միքայելյանը խոսել է անգլերենի կարևորության մասին՝ կիսվելով երեխաների հետ իր մտքերով: Եղեգնուտից Դիանան ասաց, որ անգլերեն սովորելը բացարձակապես անհրաժեշտ է իր մասնագիտության համար, “Ես պատրաստվում եմ դառնալ էքսկուրսավար”: Դսեղից Շանթն ասաց, որ շատ կցանկանար ճանապարհորդել, “Չի կարելի դա անել առանց անգլերեն իմանալու”: Դսեղից Անին ասաց, որ ուզում էր դիմպլոմատ դառնալ, “Շատ կուզեի անգլերեն գրքեր կարդալ”: Այգեհովիտից Ստեփանը պատրաստվում է ֆուտբոլիստ դառնալ “Անգլերենն անհրաժեշտ է միջազգային ակումբներում խաղալու համար”:
Անգլերենի ուսուցչուհի Մարինե Միսկարյանը կարծում է, որ ծրագիրը մեծապես նպաստել է դեռահասների ինքնավստահությանն ու համագործակցության հմտություններին, “Բարելավվել է նրանց ինքնագնահատականը” ։
Փակման արարողության ժամանակ երեխաները տարբեր գույներով ներկեցին իրենց շապիկները՝ փորձելով արտահայտել իրենց տպավորություններն ու զգացմունքները Access ծրագրի մասին։
